الأحد، 10 سبتمبر 2017
الكبة علي الطريقة الليبية
لمكونات
كيلو برغل
كيلو مفروم
3 بصل حجم متوسط
صنوبر أو لوز محمص أو مزلط
هده صورة للبرغل
الطـــــــريقــــــة
ننقع البرغل لمدة ساعتين او اكثر وحتى تقدري تنقيعه في الليل وتصفيه الصبح
ناخد نص الكمية من المفروم ونطيبه زي الكيما
ناخد البرغل المنقوع ونفرمه بماكينة اللحم ادا كان البرغل خشن نفرمه مرتين
وادا ناعم مرة وحدة سادة
وبعدها نزيده نص كمية المفروم اللي خليناها ونعجنه بالبرغل ونحط البهارات ونفرمه مرة ثانية
والبهارات فلفل احمر / فلفل أكحل / زنجبيل / عنبرة / بزار / ملح / وأهم شي كمون الحوث وهدا سر حلاوة الكبة
واي بهارات تانية تستخدموها
وهده عجينة الكبة
وهدا الحشو
اني درته بالكيما لكن زدت طماطم حكة نبي الحشو احمر
ودرت حشو تاني بصدور الدجاج
ناخد من العجينة وندير دوائر
وهده صورة وحدة
وبعدها نفتحها من الداخل وخلي جنبك ماء وبلي بالمية لانها تساعدك اكثر
وحطي الحشو ومعاه صنوبر او لوز
اني خلطت لوز مع الحشو من البداية
وبعدها تسكريها وتخليها زي الليمونة
وهده الخطوات تبعي الترقيم
وستفيها في السفر واقليها في زيت غارق
بالبداية حطيها على نار قوية تشد روحها نقصي النار باش تطيب على مهل
وادا حطيتيها من الاول على نار هادية تنفتح وتتفترش
وهده بعد ما طابت
معليشي ماجتش واضحة جبتلكم صورة من النت
الاشتراك في:
تعليقات الرسالة (Atom)
ليست هناك تعليقات:
إرسال تعليق